CULTOS
ANUAIS
Novena a Santa
Rita de Casia
Miles de persoas danse cita cada 22 de maio, despois de ter celebrado unha novena na súa honra, para acudir á festa de Santa Rita de Casia, avogada das causas imposibles e casos desesperados, e cumprir así cunha longa tradición que conta cun grande arraigamento en Compostela.
Durante todo o día os postos de venta de rosas, roscas, exvotos e velas cobren toda a praza, para dar satisfacción á enorme demanda de fieis de todas as idades.
Trátase dunha festa de gran tradición na cidade, onde se lle ten especial agarimo á santa de Casia, falecida no século XV e canonizada no 1900 polo Papa León XIII, o mesmo Pontífice que no ano 1884 aceptou a autenticidade das reliquias do Apóstolo Santiago na bula Deus Omnipotens.
A tradición das rosas, brancas e vermellas, procede de cando a Santa encontrábase enferma e próxima xa á morte, a petición súa presentáronlle algunhas rosas que tiñan brotado de maneira prodixiosa durante o frío inverno na horta familiar da súa localidade natal, Rocaporena, na rexión italiana de Umbría. Rosas que din, seguen a florecer aínda hoxe nesa localidade.
Fonte: El Correo Gallego e COPE Galicia
Novena do
Sagrado Corazón
Trátase dunha novena de gran devoción na capital compostelá que remata, oito días despois do Corpus Christi coa celebración da solemnidade do Sagrado Corazón de Xesús. Ese día, a eucaristía é seguida dunha procesión da imaxe do Sagrado Corazón polas rúas do casco vello, acompañada dunha representación das distintas confrarías da cidade.
